70

0向香港仔住左咁耐，我係鍾意住0向度既。雖然大家都講到呢度好山卡啦咁。我唔覺得冇地下鐵有咩問題，有時候我反而覺得如果有地下鐵，我會冇咁鍾意呢度。橫豎半個鐘頭我已經可以去到我要去既地方，就算係朝早peak hour，出中環都係半個鐘左右……都好okay~


但係，呢期我對呢架70號巴士真係好不滿

以前朝早搭70號，通常都係車等人。而且大家都通常0向冇晒坐位之後就會等下一架車，唔會再上。所以通常架車都只係企左幾個人，可以接下個站既人。幾個月前開始，唔知點解朝朝都有好多人等車。架架車都滿晒，次次d人都企到去門口。如果一直冇人要落車，0向出到灣仔前呀司機都係唔會埋站。我個日去到車站略略計過，未有車之前個車站已經排左六七十人，到左架車上滿左準備開走，只係五分鐘都冇既時間，個車站又已經排滿六七十人。有冇真係咁多人呀？搞到家下我成日都要企足成程車……仲有明明都係同一個時間出門口，明明以前時間好多可以0向等shuttle時睇下書，家下就成日都要跑去搭shuttle！

---------------------------------------------------

消失/范曉萱

剪愛 / 壞人

今日去左好耐冇去過既canteen買早餐，收銀既呀姐見到我就話我d皮膚好左好多，哈哈好開心！(冇錯，我係好膚淺同好易tum……)

同朋友S又講起話呀同事話我好適合做auditor，可以做一世。呀朋友S話佢冇同我做過同事，所以唔知我係咪真係咁0岩做Auditor，但係以佢認識我，佢話我似應該係咩都唔做會0岩d(我都想喎~)。佢仲要串我一句：咁你唯有要搵個金龜先得喎。原本中六合彩都得，不過睇你都係懶到六合彩都唔會去買ga啦……

>.<

------------------------------------------------------------------

從來都覺得舊歌新唱有一定既吸引力，尤其係男唱女或者係女唱男既歌。(點解呢？明明一首歌原本都冇話一定要俾男定女唱ga……都之不過係大家聽慣左係咩人唱之嘛。方炯鑌既新碟係唱一d女歌星既歌。原本最令我“耳”前一亮既係棋子。但係聽得多之後最鐘意既係剪愛...

Today's news...

今日既新聞全部都好嚇人。除左個個得人驚既巴士車禍加埋個D報紙既嚇人照片之外，仲有……

內地旱情告急 研暫停供水香港

"... 廣東省旱情告急，珠海制水，澳門 密切關注；供水予香港的東江水水位亦跌至警戒線，但因合約保證食水先供港，本地水塘存量又夠用半年，港人不愁缺水，與周邊地區告急情况大相逕庭。本報發現，香港人均每日耗水量竟逾220公升，位處已發展地區前列，較新加坡 多近四成，反映港人慳水意識薄弱。 ..."

"... 得到東江水供應保證，香港人近20年不愁缺水，但本報記者日前到廣東省東莞及從化查察，發現旱情已肆虐了一段時間﹕多月無雨，農作物收成銳減，農民苦不堪言；部分東江水道河床已乾涸，許多香港人不知旱情已悄悄「兵臨城下」。..."

信 - 愛中飛行(w/石康軍) & 需要你的愛 (w/ FIR)

我0岩0岩先發現，原來信樂團入面既信同埋五月天入面既呀信係兩個人黎ga喎…… =P

聽講信將會出自己既個人新碟，期待中。

我不想再想了 我已經倦了

哭了- 原唱 范曉萱
----------------------------------------------------------

突然發現原來好多個trip都冇寫到blog……係咁意寫番d重點啦……寫住兩個先……

Aug Singapore trip

Sep Seoul trip

那種女孩

曾經有一個時間范曉萱好流行ga喎……成日去唱k都會唱。不過之後唔記得點解會唔見左一排。依家睇番d MV，原來已經係九五九六年ga喇喎……

Team building

都冇想像中咁差，不過節目實在係太多loh，朝早做義工已經勞力同腦力都用得七七八八。之後坐車去碼頭個陣一坐低對腳都攰到唔想再起身。之後仲要0向陽光充沛既南丫島行左兩個鐘家樂徑。行完之後除左好攰之外係即時塊面又紅又痕loh……

Ken Hirai...

都冇話一定要聽得明先會覺得好聽既~~

------------------------------------------------------

今日激死左。

星期一個日firm左要改schedule，十一月中去Zambia。同travel agent講好左，book左機票。travel agent話我地唔駛visa。點知，今日成四點先黎話要visa喎，你玩我咩。visa唔係話有就有ga喎。除左要填form同要passport要相之外，最煩係要當地既business prepare封business letter。呢樣點都要d時間。呢個Zambia仲有一個complication，係香港係冇zambia既領事館既，所有野要send去北京做……下……

如果要下星期六出發，最遲要星期一交晒d野去北京，咁先有望可以星期五拎番個passport，星期六個passport會番到香港。如果係咁，就要迫zambia個邊星期五可以prepare好d document scan俾呀agent。又由於聽日我地成日都去左team building，九點半之後就唔會有人0向office，所以我今日無啦啦要0向五點後個四十五分鐘入面(1)搵到zambia個邊既人話佢知我要咩(2)搵齊information填好個張form，仲要再三叮囑一下個位慢三拍既秘書小姐叫呀agent聽朝九點半前黎收野(呀秘書小姐係個個時候仲同我“如果”呢樣個樣，叫你做就做啦，咁多“如果”。個陣pw我個個新黎但係都要serve幾個經理既秘書都做野又快過又醒過又唔駛人俾咁多instructions d野都做得妥當好多呀，都唔知呢個呀姐點做秘書)。

0向呢d時候呀bb仲要send個email黎話佢睇完個report可以出得，真係一係就悶到暈，一係就忙到暈。

Dark cherry mocha

唔知係因為太想搵大家D錢，話咁快聖誕package又出現，原來，仲連尖東都開始有聖誕燈飾。
尋日都想唔住，見到starbucks出左聖誕先有既drink都忍唔住要買一杯。(雖然半個鐘前先同人講話我冇咩都唔會飲咖啡 =P)
------------------------------------

好耐冇去睇過呀中醫，睇中醫真係有用喎。成個星期都訓得唔好，一睇完就之不過係搭車返屋企個三個字都訓著左……仲好好訓……

雖然，我知如果我要訓得好應該要控制下自己既心情先係治標……

*

I think, I hate talking to people.